يعينى انتم عايزينا نهج من البلد دى

كل شويه زياده فى الاسعار كل كام يوم يطلعلنا واحد من بتوع مجلس الشعب ويزود فى الاسعار هو فى ايه هى الزياده دى فايدتها ايه هو احنا عشان زودنا المرتبات وفى علاوه نرفع الاساعر الى ادناه للشعب ناخده منه انا بقيت وانا بشترى اى حاجه بسال الراجل غلت ولا لا ....وانا مش عارف ازمه العيش دى حتخلص امتى ياريت حد من المسئولين يقولنا عشان حرام اوى الى بيحصل ده انا بقيت اقول بدل مادخل السينما اسرف فلوسى فى حاجه افيد وبدات اعرف اصرف امتى وازاى طب هو المرتب الى بناخده من الحكومه ده الى عاملين يتكلموا عليه ده المفروض ان انا افتح منه بيت وافرش البيت واخلف عيال واكبرهم واصرف عليهم واعيش احسن ماكنت عايش واخليهم احسن منى وكمان بعد ماموت اسيبلهم حاجه يوروثها عشان الزمن المرتب ابو 200 و 400 و 600 جنيه انا باخد 300 جنيه فى الشهر والله العظين بيخلصوا على يوم 10 او 12 بالكتير من كتر ارتفاع الاسعار وبعدين لحد امتى حيفضل الحديد والصلب والاسمنت محتكر لحد امتى عايز اجابه ياكبار المسئولين يلى اسمكم مجلس الشعب يعنى فى كلمه اسمها الشعب الى انتم المفروض ده المفروض بتمثلوه ومش داخلين عشان الشقه والعربيه وعشان الشهره انتم داخلين عشان تحلوا مشاكل الشعب الدوله مش بتتطور واحنا الشعب مش عايزين نتهور
كفايه بقى انا من الناس الى بتحب مصر مش عايز اسيبها والله ياحكومتنا انت بتكرهينا فى العيشه فى مصر مانا اهج واشتغل بره واعيش زى الملك بس انا بحب مصر لو لم اكن مصريا لو وددت ان اكون مصريا
وبعدين لما اللحمه زادت جنيه فى يوم من ايام السادات الريس قال على الشعب مقاطعه الجزارين عشان نجعلهم يتعلموا ميزودوش الاسعار طب انا عايز اعرف حاجه احنا المفروض نقاطع ايه ولا ايه ولا ايه
انا بقى فى راى احنا النفروض نقاطع نانسى وهيفا ونشجع الصناعه الوطنيه من امثال روبى وغيرها عشان نبطل استيراد وندورولنا على مخرج بيسو شبه جاد شويرى هو الى يعملنا كليباتنا
اخر حاجه احب اختم بيها لو الاسعار مقلتش فى راى الشخصى كمان سنه بالكتير ونظام الحكم حيتقلب او حيحصلنا احتلال اقتصادى وانا لو حصل حاجه من الحالتين دووول ساعتها ميبقاش لى مكان فى البلد دى وادور على بلد تانيه احبها بس معتقدش ان حد يقدر ينسى مصر.........................